睇到呢段新聞想分享吓我對慢煮嘅食物安全的睇法. 其實我對慢煮都研究咗幾年, 綜合可以同大家講以下幾點:
1) 慢煮係極之科學嘅烹調方法, 「某一個溫度某一個長時間大部份細菌就會死亡」基本上就係慢煮嘅食物安全原理。 一般來講，溫度越低時間需要越長，所以理論上慢煮可以係安全。
2）以上只係原理，實際操作就唔係咁簡單。 影響因素好多，例如你舊肉幾厚、你部機對溫度控制嘅準確度、你部機用咗幾多次發熱功能是否已經減弱甚至四圍嘅室溫都有機會影響最後嘅實際效果。
3）慢煮需要極之準確嘅時間同溫度控制。 例如如果本來係需要75度300分鐘先至安全，有啲人以為72度差唔多啦，或者250分鐘爭少少啫趕住食唔怕啦，我可以好負責任咁同你講完全唔係
4）如果時間或者溫度唔足夠，不單止細菌冇死哂，仲有機會多咗，點解嘅？ 因為其實你可以咁諗，慢煮其實就係雪櫃嘅相反，細菌喺溫度培育之下係會加速生長，所以時間唔夠本來可以五成熟煎生生地食嘅牛扒，好可能會變咗唔得，因為肉裏面嘅細菌都因為溫度快速增長左，當然返返去（1）如果你溫度同埋時間足夠長準確嘅話其實理論上係安全。
結論：雖然我屋企有一部慢煮機器，但係我從來唔會用。公司，亦都唔會推出相關產品。 要食好食嘅牛肉，都係去牛角燒或者溫野菜MMC火鍋啦.
https://hd.stheadline.com/amp/news/realtime/hk/2217169/
Search